TRAJANA Columna

TRAJANA Columna

Scriptorum monumentis et antiquis nummis celebrata, in medio Foro Traiani sita fuit hodieque apparet. Fuit autem inter coeterea Caesarum opera Traiani Forum maxime admirandum, ut Cassiodorus testatur, cum ait: Traiani Forum vel sub assiduitate videre miraculum est. Unde apud Amm. Marcellinum Imperator Constantinus, singularem sub omni caelo structuram admiratus, haerebat attonitus per giganteos contextus mentem circumserens. Aedificatum a Traiano, post bellum Dacicum per Apollodorum Architectum, postea ab Hadtiano per livorem occisum, ex pecunia, quae ex venditione praedae percepta erat: In quo arcus Triumphales, ob superatos Dacos Sarmatasque, porticus amplissimae, statua Imperatoris columnis altissimis superposita, prae coeteris vero Cochlis columna erat marmorea a Senatu P. Q. Rom. Traiano erecta, quam Auctores hôc pactô deseribunt. Caelatae sunt in circuitu res gestae Caes. Traiani bellô Dacicô, aliisque expeditionibus militaribus: alta est pedes 128. basis habet pedes 12. lapidibus structa est 24. tantae vastiatis, ut opus videatur non ab hominibus, sed a gigantibus profectum. Singuli lapides gradus 8. continent, per quos ascenditur. Lumen praebent fenestellae 44. Nihil usquam terrarum admirabilius, nihil magnificentius. Erecta autem est, quemadmodum Inscriptio ostendit, ad declarandum; quantae altitudinis mons et locus tantis operibus fuerit egestus; A. Preyelius, Sinâ et Europa, c. 17. Vide quoque Iac. Oiselium ICtum, Not. ad A. Gellium, l. 13. c. 24. et plura supra, voce Columna.